Tanda

Ada pace satu nih, de paling kapala mabuk sampeeee... Trus depan de pu rumah ada got besar, jadi tiap kali de pulang dalam keadaan mabuk tuh de tinggal masuk dalam got trus. Pas sadar begini de inisiatif untuk kase tanda deng batu kalo ada got di situ. Pas de pasang tanda batu tuh anak-anak kecil di kompleks dong liat liat. Sudah, seperti biasa tiap malam de pulang mabuk trus...
tapi karna su ada tanda deng batu jadi pace ko bisa lompat lewat got. Jadi anak-anak kecil nih dong sengaja kase pindah batu agak mundur sedikit. Jadi pas pace ko pulang mabuk begini, de liat batu langsung de lompat, sudah pace ko jatuh dalam got lagi... macam de ganas skali. Trus anak-anak kecil nih dong datang tanya dia...
Anak : Eh, pace... kenapa sampe bisa jatuh dalam got lagi?
Pace : Ah... kurang ajar nih... sapa yang kase pindah got nih!!!