Babi bayar...

Pace satu nih de pu rambut besar, muka kotor tambah kumis deng jenggot. Satu kali de lapar jadi de pi makan di warung. De lapar jadi pace pu cara makan saja gerakan tempo ka ini. Tapi mbak yang pu warung tinggal liat-liat pace de trus... Jadi pace de bilang sama mbak...
Pace : Kenapa...? Ko naksir ka?
Mbak : Makan saja kaya babi baru...
Tapi kam tahu pace de sante-sante saja, pace de senyum-senyum... Trus abis pace de makan, de langsung jalan keluar baru trabayar... Sudah mbak ko kejar dia baru bilang : “Ko bayar dulu... ko belum bayar to??!!”. Pace ko sante eee... sambil jalan korek gigi baru de bilang... “Ko pernah liat babi makan di warung bayar ka??? Mbak ko muka bodok langsung...

Komentar

Postingan populer dari blog ini

6 Film Kristen yang sangat Inspiratif

Going the extra mile...

7 Film Olah Raga Pemberi Inspirasi